طريقه عمل الباميا على الطريقه العراقيه
طبعا انا ماستعمل مقادير يعيني عيني ميزاني
اول شئ تقطفين الباميا يعني تنضفيها من الرؤؤس وبعدها تسلقيها بس خمس دقائق وتصفيها بالمصفاة
وتسلقين لحم يكون لحم غنم
بعدها نجي للباقي
اتخلين زيت في القدر
اتقلين الثوم والبصل طبعا الاثنين مثرومين
وتحطين الباميا المصفاة واللحم على نار هادئة لمدة عشر دقائق وتراقبيها لاتحترق ولاتقلبيها ابدا حتى لاتتفلش الباميا
وبعدها اتخلين ماء اللحم عليها طبعا لازم الماء مال اللحم يكون حار
وتخليها تغلي
ربع ساعه
بعدها اتجيبين عصير الطمام (يعني تحطين الطماطه بالخلاط وتصفيها ) بعد ماتصفيها اتخلين معجون الطماطه وتخلطي
وتخلي فوق القدر مال الباميا اتخلي يتسبك لمده نصف ساعه او اكثر الى ان اتصير المرقه ثخينه
وتقدميها مع تمن بسمتي
هاي الباميا على الطريقه العراقيه وان شاء الله تعجبكم
مع تحياتي لولو
mms
